تیم ملی فوتبال زیر ۲۰ سال بانوان کشور در دومین دیدارش در رقابت‌های مرکز آسیا، تاجیکستان را شنبه شب (۲۲ جوزا) یک بر صفر، شکست داد.
تنها گول این بازی را زهرا فولادی، مهاجم تیم ملی کشور در دقیقۀ هفدهم نیمۀ نخست، به ثمر رسانید.
قرار است ملی پوشان کشور به روزهای دوشنبه و سه‌شنبه همین هفته، به ترتیب در برابر تیم‌های ایران و قرقیزستان، رقابت کنند.
پیش از این، ملی پوشان کشور در نخستین بازی شان در این رقابت ها، با نتیجۀ پرگول یازده بر صفر، به ازبیکستان تن به شکست داده بودند.
هم‌اکنون، ملی پوشان کشور در جدول این رقابت‌ها با سه امتیاز، در جایگاۀ سوم قرار گرفته‌اند.
این رقابت‌ها روز چهارشنبه هفتۀ گذشته آغاز شد و برای یازده روز، ادامه خواهند داشت.
این رقابت‌ها میان تیم‌های افغانستان، ایران، تاجیکستان، ازبیکستان و قرغزستان، برگزار شده‌اند.