وزارت اقتصاد ورز چهارشنبه گفته است پنجمین تفاهمنامۀ اقتصادی وبازرگانی افغانستان وتاجیکستان تا دو روز دیگر درشهر دوشنبه امضاء خواهد شد.

به همین منظور وزیراقتصاد ومعینان وزارت‌های انرژی وآب، تحصیلات عالی، اطلاعات و فرهنگ، معادن و پطرولیم، تجارت، ترانسپورت و معین ادارۀ امور روز چهارشنبه به تاجیکستان رفتند.

معین مسلکی وزارت اقتصاد، پوهنمل حکم‌خان حبیبی گفته است که این مقام‌ها دربارۀ بهبود روابط اقتصادی و بازرگانی ونیز زمینه‌های عملی ساختن پروژۀ"کاسا یک هزار" گفتگو میکنند.

به گفته معین مسلکی وزارت اقتصاد درپنجمین نشست همکاری‌های اقتصادی وبازرگانی میان افغانستان وتاجیکستان که برای دوروز ادامه خواهد داشت درباره بهبود روابطه اقتصادی وبازرگانی، از میان برداشتند مشکلات گمرکی، فراهم آوری سهولت‌های بیمه وفراهم ساختن زمینه برای آموزش تحصیلات عالی برای دانشجویان افغان در تاجیکستان، میان مقام‌های افغان وتاجیک گفتگو خواهد شد.

آقای حبیبی گفته است " ما در این نشست بربهبود روابط تجارتی اقتصادی برطرف ساختن مشکلات گمرکی ودر بندهای هردوکشور را مورد بحث قرار می دهیم در بارۀ تحکیم سواحل دریای امو نیز گفتگوخواهیم داشت."

به گفته معین مسلکی وزارت اقتصاد دراین نشست روی ایجاد خط آهن میان افغانستان وتاجیکستان، ایجاد سهولت‌های ترانزیتی زمینی، تحکیم سواحل دوطرف دریای آمو، وارد کردن انرژی برق به شمال افغانستان وهمچنان فراهم سازی زمینه‌های عملی ساختن پروژۀ انتقال برق تاجیکستان وقرغیزستان به پاکستان که از راۀ افغانستان میگذرد از جانب مقام‌های افغانستان تأکید خواهد شد.(طلوع نیوز)