عبدالله عبدالله، رييس اجرایی حکومت وحدت ملى بعد از ظهر دیروز در رأس یک هیأت بلند پایه دولتی عازم چین شد. هدف از سفر وی اشتراک در نشست سالانه سازمان همکاری های شانگهای گفته شده است. این نشست امروز دوشنبه در چین برگزار می‌شود.

قرار است او در حاشیه این نشست با مقام‌های دولتی چین در بخش‌های اقتصادی و امنیتی گفت‌وگو کند.

صلاح‌الدين ربانى، وزير خارجه، اکليل حکيمى وزير ماليه، وزير تجارت، وزير انکشاف دهات و وزير معادن در این سفر عبدالله را همراهی می‌کنند.

سازمان همکارى‌هاى شانگهاى، در سال ٢٠0١ برای همکاری‌های چندجانبه امنیتی، اقتصادی و فرهنگی میان کشورهای روسیه، چين، ازبکستان، قزاقستان، تاجکستان و قرغيزستان ایجاد شد.

ابتدا مغولستان در سال ۲۰۰۴ و یک سال بعد ایران، پاکستان، هند و افغانستان در سال ۲۰۱۲ بحبث ناظر به این سازمان ملحق شدند.

وزارت امور خارجه افغانستان در ماه جولای سال جاری روان رسماً خواستار عضو دایمی این سازمان شد.