افغانستان‌ما: صدیق صدیقی، سخنگوی ریاست جمهوری می‌گوید که محمد اشرف غنی، رئیس جمهور، و رولا غنی، بانوی اول کشور، آزمایش کرونا داده‌اند و نتایج آزمایش آنها منفی بوده است .
آقای صدیقی امروز (سه شنبه، دوم ثور) در صفحه رسمی تویتر خود نوشت که این آزمایش به درخواست رئیس جمهور و بانوی اول کشور گرفته شده است .
او افزوده که رئیس جمهور صحت مند و تمام برنامه‌های حکومت را رهبری می‌کند .
سخنگوی ریاست جمهوری می‌گوید که تمام تدابیر در ارگ برای مصونیت محیط کاری رئیس جمهور روی دست گرفته شده است .
پیش از این روزنامه امریکایی نیویارک تایمز، از ابتلای ۴۰ نفر از کارمندان ارگ ریاست جمهوری به ویروس کرونا خبر داده بود .
اما دیروز، سخنگوی ریاست جمهوری به بی‌بی‌سی ابتلای ۲۰ کارمند ارگ را به کرونا تایید کرد، اما گفت که رئیس جمهور و معاونان او در سلامت کامل بسر می‌برند .